A. -

"Feu"

1.

[Le feu servant au chauffage] : ...et le rampin s'en va singlant a effors, tant qu'il vint a l'isle. Et y descendirent pluseurs, et y trouverent grant foison de feux et de logeis (ARRAS, c.1392-1393, 90). ...et regarde en la valee, et voit l'ost des Sarrasins, ou il voit grant clarté de feux qui sont par les logeiz (ARRAS, c.1392-1393, 95). ...et estoient tous les huiz fermez et barrez. Et le feu ardoit grant en la cheminee. (ARRAS, c.1392-1393, 308). Et plus, il dit qu'elle s'en ala asseoir sur le banc au feu, l'une heure le viaire devers le lit et le doz au feu, si que ilz povoient tout a plain veoir sa face, et bien leur sembloit qu'elle avoit esté moult belle, et l'autre heure retournoit le visaige devers le feu, et gueres de temps ne se tenoit en un moment. (ARRAS, c.1392-1393, 309).

-

Faire du feu/ allumer le feu : Lors s'arresterent dessoubz un grant arbre, et dist le conte a Remondin : Beau nepveu, nous demourrons cy tant que la lune sera levee. Remondin dist : Si comme il vous plaira, monseigneur. Il descendy, et prist son fusil, et fist du feu. (...) Et entretant que Remondin mettoit paine a alumer le feu pour faire a son seigneur plaisir, le conte regarde tousjours ou ciel contremont, et commenca a souspirer parfondement (ARRAS, c.1392-1393, 20).

-

Le feu est espris. "Le feu est allumé" : Remondin, qui avoit alumé le feu, et qui bien avoit ouy ce que ly conte Aymery avoit dit, en partie, lui dist : Monseigneur, le feu est esprins, venez vous chauffer. (ARRAS, c.1392-1393, 20).

-

Tenir qqn au feu. "Le tenir près du feu" : Et sachiez que Melusigne venoit tous les soirs visiter ses enfans, et les tenoit au feu, et les aisoit de tout son povoir ; et la veoient bien les nourices, qui mot n'osoient dire. (ARRAS, c.1392-1393, 262).

2.

[Le feu servant à faire des signaux] : Et tantost fist le cappitaine faire feu sur la garde d'un fallot, et puis cliner devers la mer, et quant la plus prouchaine garde le vit, si firent feu et le signe. Et ainsi le firent tant de garde en garde que il fu sceu par tout le royaume tantost. (ARRAS, c.1392-1393, 131).

-

Signe de feu : Et avait ordonné sur pors gardes, que tantost que ilz les verroient venir arriver, ilz feroient signes de feu (ARRAS, c.1392-1393, 128).

3.

[Le feu servant à manifester sa joie] : Et quant la nouvelle fu espandue par la ville, ilz orent si grant joye que ilz ne porent plus, et firent sonner leurs trompettes et leurs menestriers, et firent feux par la ville, signifiant joye et victoire (ARRAS, c.1392-1393, 152).

4.

[Le feu servant à détruire, à incendier] : Quant ilz [les Sarrasins] virent que noz gens s'en tournerent, ilz vindrent a la mer et rescourrent jusques a six nefs et vaisseaux du feu. (ARRAS, c.1392-1393, 133). Et par Mahon, sire soudant, sachiez qu'il [Geoffroy] n'a pas voulenté de fuir, car il a tres bien garnie Baruth de vivres, de gens et d'arteillerie, et s'en vient grant erre par deca ; et ne voit on que feux et flambe par my le pays, et sont tous les chemins chargiez de Sarrasins et de Turs mors. (ARRAS, c.1392-1393, 227). En ceste partie dit l'ystoire que Gieffroy, si tost que ses X. chevaliers furent partiz, il prist du feu a une lampe en l'eglise et bouta le feu ou feurre. La busche s'esprist. La peussiez oïr et veoir grant pitié, car, si tost que les moines sentirent le feu, ilz commencierent a faire piteux criz et tres amers et doulereux plains ; mais ce ne leur vault riens. (ARRAS, c.1392-1393, 251).

-

Bouter le feu qq. part : Quant les Sarrazins virent que c'estoit au fort, et que ilz ne povoient fuir, si prindrent un vaissel que ilz avoient prins sur ceulx de Rodes, et gecterent les gens a bort, et l'emplirent de busche, de huille, de graisses et de souffre. Et, quant ilz virent noz gens approuchier, si bouterent le feu dedens. Et, quant ilz le virent alumé, ilz esquipperent vers nostre gent. (ARRAS, c.1392-1393, 89). Et envoierent en l'abbaye des biens grant foison et en menerent ce des vaisseaulx que ilz porent bonnement, si chargiez de l'avoir aux Sarrasins que plus ne povoient. Et ou remenant bouterent le feu, et fu toute la navire qui demoura esprinse. (ARRAS, c.1392-1393, 133). Sire, a demie lieue de cy a environ mille Sarrasins qui s'en vont ferir a Baruth pour garder le port et la ville. Et Gieffroy lui demande : Me sauras tu bien conduire la ? Par foy, sire, dist l'espie, ouil. Lors dist Gieffroy au maistre de Rodes qu'il conduisist l'avant garde et qu'il boutast le feu par tout, par quoy il les peust retrouver par la trace de la fumee. (ARRAS, c.1392-1393, 224).

-

Mettre le feu partout : ...il mettroit le feu par tout et mettroit tout a l'espee (ARRAS, c.1392-1393, 224).

-

Mettre tout en feu et en flambe. "Mettre tout à feu et à sang" : ...je feray assaillir Japhe et mettray tout en feu et en flambe. Et tout quanque je trouveray dedens de Sarrasins, je les feray tous mourir. (ARRAS, c.1392-1393, 223).

-

Faire guerre de sang et de feu. V. guerre

B. -

[À propos du feu de l'enfer, dans une imprécation] : Que de mal feu soit elle bruye ! (ARRAS, c.1392-1393, 131).

C. -

Au fig. "Ardeur" : ...et vostre pere ot nom Hervy de Leon, lyquelz fu en sa jeunesse moult de chaude colle. Et sachiez que il ne doubtoit ne cremoit chose que nulz homs esprins et plain de feu de jeunesse et de hardement deust doubter ne cremir en regardant honneur. (ARRAS, c.1392-1393, 48).